Verðtrygging er gengistrygging

Ástæða þess að ég tók myntkörfulán en ekki lán í Íslenskri verðtryggðri krónu er sú að ég komst að þeirri niðurstöðu að Íslenska lánið væri í raun gengistryggt. Ef gengi krónunnar lækkaði myndi verðtryggingin hækka en þegar gengið hækkaði lækkaði ekki verðtryggingin en erlenda lánið myndi gera það. Í næstu sveiflu myndi verðtryggða lánið hækka aftur en ekki lækka og svo koll af kolli. Þannig var mitt álit að gengisáhættan væri í raun meiri með verðtryggðri krónu þar sem hún væri alls ekki sú mynt sem ég fengi í tekjur. Dæmið sannar þetta því að frá hruni hefur vertryggða lánið hækkað um 30% en rauntekjur lækkað svipað. Þannig áleit ég eftir að skoða gengissveiflur síðustu 40 ára að gengistryggt lán væri áhættuminna. Ég vissi náttúrulega ekki þá að verið væri að ræna Íslensku bankana innanfrá og það myndi verða algert hrun á krónunni.Ég tel því að það verði að leiðrétta krónulánin líka því forsendubresturinn er alger þar.

Áhrifin um allt samfélagið

Athugasemdir

[Sigurður Haraldsson, 17.6.2010 kl. 07:27]

Samála hvaða vit er í því að fólk sem tekur lán þurfi að borga það alt að fjórum sinnum til baka!

Þegar lán eru tekin á að greiða þau með réttmætum vöxtum ekki verðtryggingu og vaxta vöxtum, hvernig fór fyrir fjármálastofnununum þrátt fyrir okurlán sem þær veittu okkur.

Því segi ég það verður að taka til í bankakerfinu öllu við höfum ekkert að gera með alla þessa banka og lánastofnanir einnig ættu laun æðstu manna að lækka umtalsvert því dæmin sanna að þrátt fyrir há laun sem réttlætt eru með ábyrgð þá er sú ábyrgð engin þegar á reynir!

[Guðjón Atlason (IP-tala skráð) 17.6.2010 kl. 07:31]

Sammála, verðtrygging er ákveðið form af gengistryggingu. Það þarf að leiðrétta verðtryggðu lánin líka, færa þau a.m.k. aftur fyrir hrun og afnema verðtrygginguna. Ef við segjumst og viljum og heimtum okkar eigin gjaldmiðil og neyðum almenning til að nota hann, þá á það líka að vera íslenska krónan alla leið. Mikilvægt að réttlætis sé gætt og öll verðtryggð lán verði færð aftur fyrir hrun og verðtryggingin afnumin. Það má ekki gerast að láta stjórnvöld, fjárglæpamenn og fjármálastofnanir ræna fjölskyldurnar í landinu. Réttlæti takk!

[Sigurður Haraldsson, 17.6.2010 kl. 08:53]

Okkar tími er kominn Jóhönnu tími er liðinn!